ძლიერი სამოქალაქო საზოგადოება ეფექტიანი მმართველობისათვის

პროექტი: ძლიერი სამოქალაქო საზოგადოება ეფექტიანი მმართველობისათვის.

დონორი: ევროკავშირი.

პროექტის განმახორციელებელი პარტნიორები: World Vision საქართველო, საქართველოს ახალგაზრდა ეკონომისტთა ასოციაცია და საქართველოს სოციალურ მუშაკთა ასოციაცია.

ძირითადი მიზანი: ხელი შეუწყოს საქართველოში კარგი მმართველობის, ანგარიშვალდებულების და ინკლუზიური საჯარო პოლიტიკის ფორმირებას, რომელიც მოიცავს ძლიერ სამოქალაქო საზოგადოებას ადგილობრივ და რეგიონალურ დონეზე.

განხორციელების/სამუშაო პერიოდი: 01.02.2018 – 31.01.2020

გეოგრაფიული არეალი: საქართველოს 6 რეგიონის 13 მუნიციპალიტეტი:

• კახეთის რეგიონი: თელავი, გურჯაანის და ყვარლის მუნიციპალიტეტები;

• სამცხე-ჯავახეთის რეგიონი: ახალციხის და ადიგენის მუნიციპალიტეტები;

• იმერეთის რეგიონი: ბაღდათის და ზესტაფონის მუნიციპალიტეტები;

• ქვემო ქართლის რეგიონი: რუსთავის და მარნეულის მუნიციპალიტეტები;

• სამეგრელოს რეგიონი: აბაშის და სენაკის მუნიციპალიტეტები;

• აჭარის რეგიონი: ბათუმის და შუახევის მუნიციპალიტეტები.

სამიზნე ჯგუფი: საქართველოს 6 რეგიონში მოქმედი ადგილობრივი სამოქალაქო საზოგადოებრივი ორგანიზაციები;  13 მუნიციპალიტეტი საქართველოს 6 რეგიონიდან;  ადგილობრივი ბიზნესი;  დაახლოებით 200 თემი სამიზნე მუნიციპალიტეტებიდან, კერძოდ, კი ყველაზე მოწყვლადი და მარგინალური ჯგუფები:

- ბავშვები

- ახალგაზრდები

- ქალები

- ეთნიკური უმცირესობები

- დევნილები

- შშმ პირები

პროექტის სამიზნე რეგიონებსა და მუნიციპალიტეტებში, ადგილობრივ დონეზე ანგარიშვალდებულებისა და მონაწილეობითი პოლიტიკის ფორმირების პრაქტიკის დანერგვის მიზნით, პროექტი ორი წლის განმავლობაში იმუშავებს შემდეგი მიმართულებებით:

1. არასამთავრობო ორგანიზაციების შესაძლებლობების გაზრდა ადვოკატირებასა და მონაწილეობითი ბიუჯეტის შემუშავებასა და მონიტორინგში;

2. მონაწილეობითი პოლიტიკის და გადაწყვეტილებების მიღების პრაქტიკის განვითარების მიზნით ადგილობრივ თვითმმართველობასა და სამოქალაქო საზოგადოებას შორის თანამშრომლობის გაღრმავება;

3. არასამთავრობო ორგანიზაციების და ადგილობრივი თვითმმართველობების ხელშეწყობა, განავითარონ ხელმისაწვდომი და თემის საჭიროებაზე მორგებული სოციალური მომსახურებები;

4. არასამთავრობო ორგანიზაციებს, ადგილობრივ თვითმმართველობებსა და კერძო სექტორს შორის კორპორატიული სოციალური პასუხისმგებლობის და მოხალისეობის საკითხებზე ცნობიერების ამაღლება.

პროექტის მიერ ჩატარებული სამუშაოს მოსალოდნელი შედეგები:

• გაძლიერებულ ადგილობრივ არასამთავრობო ორგანიზაციებს შეუძლიათ ზეგავლენის მოხდენა საჯარო პოლიტიკის ფორმირებაზე და ეფექტიანად ადვოკატირებენ მათი სამიზნე ჯგუფების უფლებებს;

• ადგილობრივ დონეზე განვითარებულია თემის საჭიროებებზე მორგებული ეფექტიანი და ინკლუზიური პოლიტიკა;

• გაზრდილი სოციალური ანგარიშვალდებულების, და თანამონაწილეობითი გადაწყვეტილებების მიღების პრაქტიკის ხელშეწყობის შედეგად ადგილობრივი თვითმმართველობა უფრო სანდო, ლეგიტიმური და ეფექტიანია;

• ადგილობრივი სამოქალაქო სექტორის მდგრადობა მხარდაჭერილია სექტორთაშორისი (მათ შორის კერძო სექტორის), პარტნიორობის განვითარებით.